اسلام آباد۔16اکتوبر(اے پی پی)صدرمملکت آصف علی زرداری پاکستان اتے ترکمانستان دے اقتصادی تعاون اتے بزنس ٹو بزنس تعلقات ودھاوݨ دی اہمیت تے زور ݙتے تاں جو ݙوطرفہ فیدے کوں یقینی ٻݨایا ونڄے۔ انہاں اقتصادی تعاون سانڳے ݙوہاں ملکاں دے اسٹاک ایکس چینجز وچال ودھ روابط دا وی آکھیے۔ اے ڳالھ انہاں ترکمانستان دی کابینہ دے ڈپٹی چیئرمین راشد میریدوف نال ایوان صدر اچ ملݨ ویلھے الیندے آکھی۔ ملاقات اچ ترکمانستان دے سفیر عطاجان مولویوف وی موجود ہن۔ صدر مملکت وفد دا خیرمقدم کریندے آکھیا جو پاکستان ترکمانستان نال اپݨے تعلقات کوں اہم سمڄھدے، اے ??علقات مشترکہ اقدار، مذہب و ثقافت تے کھڑن، خطے اچ مشترکہ خوشحالی، استحکام اتے پاکستان اتے ترکمانستان دے عوام دی بہ??ری کیتے رل تے کم کرݨا ہوسی۔ انہاں تاپی گیس پائپ لائن منصوبے دی تیکھے تکمیل کیتے پاکستان دا عزم دوہریندے آکھیا جو منصوبے نال ݙ??ہاں ملکاں دی اقتصادی ترقی اچ مدد ملسی۔ راشد میریدوف ترکمانستان دے صدر سردار بردی محمدوف اتے ترکمانستان دے عوام دے قومی رہنما اتے ترکمانستان دی پیپلز کونسل دے چیئرمین قربان قلی بردی محمدوف ولوں صدر آصف علی زرداری کوں خصوصی مبارک ݙتی۔ صدر مملکت ایس سی او کانفرنس اچ شرکت تے کابینہ دے ڈپٹی چیئرمین راشد میریدوف دا شکریہ ادا کیتے۔
.jpg)
