اسلام آباد ۔ 12 نومبر (اے پی پی)وزیر ممل??ت برائے داخلہ شہریار خان آفریدی آکھیے جو وزیراعظم عمران خان پولیس کیتے تیکھے خصوصی پیکیج دا اعلان کریسن، پولیس ایکٹ تے کم شروع کر ڈتے، اسلام آباد پولیس اچ وی اصلاحات گھن آسوں۔ اے گالھ انہاں اسلام آباد اچ پولیس دے شہدا دے لواحقین کوں چیک ونڈنڑ دی تقریب نال خطاب اچ آکھی۔ انہاں شہدا دیاں قربانی کوں خراج عقیدت پیش کیتے۔ انہاں آکھیے جو ساڈے جواناں دے جذبہ جہاد اتے شہادت پاروں کوئی وی دشمن ساڈے پیارے وطن دو میل اکھ نئیں ڈیکھ سگدا،میں پوری قوم ولوں اینجھیاں ماواں کوں سلام پیش کرینداں جیہڑیاں وطن تے قربان تھیونڑ کیتے اپنڑے لخت جگرخوشی نال پیش کریندن۔ وزیرِ ممل??ت برائے داخلہ آکھیے جو او اسلام آباد پولیس دے جواناں اتے شہداءکوں ہی نئیں انہاں دے ٹبر کون وی عزت ڈیسوں، پولیس د?? ہر ضرورت پوری کیتی ویسی،پولیس مراعات اتے سہولیات ودھاونڑ دے نال نال اسلام آباد پولیس دے ٹیکنیکل اتے انٹیلی جنس سکول بنڑائے ویسن،ایں سانگے وزیراعظم تیکھے ہک پولیس پیکیج دا اعلان کریسن۔ وزیر مملکت شہداءدے لواحقین اچ چیک ونڈین ۔
