لاہور۔22اپریل(اے پی پی):وزیرِ اعظم محمد شہباز شریف پاک فوج، پاک فضائیہ اتے پاک بحریہ دے سربراہان کوں ٹیلی فون تے عید دی مبارخ ݙتی تے نیک خواہشات دا اظہار کیتے۔ وزیراعظم پریس ونگ موجب وزیراعظم شہباز شریف چئیرمین جوائنٹ چیفس آف سٹاف کمیٹی جنرل ساحر شمشاد مرزا کوں ٹیلی فون کیتے تے عید دی مبارخ ݙتی ۔وزیراعظم چیف آف آرمی سٹاف جنرل سید عاصم منیر، فضائیہ دے سربراہ ائیر چیف مارشل ظہیر احمد بابر سندھو اتے بحریہ دے سربراہ ایڈمرل محمد امجد خان نیازی کوں وی ٹیلی فون کیتے تے عیدالفطر دی مبارخ ݙیندے ہوئیں آکھیے جو پاکستانی قوم کوں آپݨی افواج تے فخر اے۔پاکستانی قوم اپݨی سرحداں تے موجود محفاظاں دی بدولت امن و سکون نال عید دیاں خوشیاں منیندی پئی اے ۔ انہاں آکھیے میں سودھے پوری قوم افواجِ پاکستان دے انہاں بہادر تے فرض شناس نینگراں کوں خراجِ تحسین پیش کریندی اے ۔
