اسلام آباد۔5دسمبر (اے پی پی) نگران وزیراعظم انوار الحق کاکڑ ہدایت کیتی جو پاکستان اچ طبی تعلیم ک??ں جدید ٻݨاوݨ، صحت دے شعبے اچ اصلاحات کیتی ونڄن۔ وزیراعظم آفس دے ??یڈیا ونگ توں جاری بیان موجب اے ڳالھیں انہاں منگل کوں ملک اچ طبی تعلیم اتے مریضاں دی ݙیکھ ٻھال اچ اصلاحات کیتے ٻݨائی ڳئی ٹاسک فورس دے اجلاس دی صدارت کریندیں ہوئیں آکھی۔ اجلاس اچ وزیراعظم ک??ں ملک اچ صحت دے شعبے کوں بین الاقوامی معیار تے ڳھن آوݨ دی حکمت عملی تے بریفنگ ݙتی ڳئی۔وزیراعظم اجلاس اچ صحت دے شعبے دی اڄوکی صورتحال اتے اصلاحات تے زور ݙتا۔ اجلاس اچ وزارت صحت، کالج آف فزیشنز اینڈ سرجنز آف پاکستان، پاکستان میڈیکل اینڈ ڈینٹل کونسل، ہائیر ایجوکیشن کمیشن اتے ملک دی میڈیکل یونیورسٹیز دی سانجھ نال صحت دے شعبے اچ کیتے ڳئے کماں تے بریفنگ ݙتی ڳئی۔ وزیراعظم معاون خصوصی ڈاکٹر عامر بلال دی قی??دت اچ شعبہ صحت اچ اصلاحات کیتے ٹاسک فورس دے کم دی تعریف کیتی۔
