اسلام آباد ۔ 2 اگست (اے پی پی) احتساب سانگے وزیراعظم دے معاون خصوصی شہزاد اکبر جمعہ کوں میڈیا نال گالھ مہاڑ کریندے ہوئیں آکھیا جو 90دی دہائی توں سیاست اچ آونڑآ لے ہکی خاندان قومی خزانے کوں بےدردی نال لٹیا اتے ہنڈی حو??لے تو رقوم باہرلے ملکاں کوں بھجواتے محل تے جائیداداں بنڑائیاں۔انہاں آکھیا جو شہباز شریف دے بعد مریم نواز کوں وی ہل میٹل توں مختلف ٹیلی گرافک ٹرانسفر دے ذریعے 66.9 ملین منتقل تھئے ،جیرھے جو ٹیکس گوشواراں اچ ظاہر نی کیتے گئے، قومی احتساب بیورو کو ں اے نویں ثبوت بھجوا ڈتے گن ۔انہاں آکھیا جواساں شہباز شریف اتے انہاں دے خاندان دی ٹیلی گرافک ٹرانسفر (ٹی ٹی) سامنڑے گھن تے آئے تاں اعلان کیتا گیا جو میکوںبرطانیہ دی عدالتاں اچ ونجنڑ پوسی، انہاں آکھیا جومیں ایندے کیتے تیار ہم پر حالی تئیں ا یہ نوبت نی آئی لیکن اج جیرھی نویاں ٹی ٹیز دا انکشاف کریندا پیاں ،میکوں امید ہے جو ایندے بعد مینکوں برطانوی عدالتاں اچ ونجنڑ پوسی۔ انہاں ڈسایا جو 90دی دہائی اچ ہک خاندان اقتدار اچ آیا، اوں خاندان ہک ایجھا قنون بنڑایا جیندی مدد نال باہرلے ملکاں توں آونڑآلے پیساں تے ٹیکس اتے رقم دی وجہ بارے کوئی پوچھ گچھ کائنی ہائی، ایں خاندان90 دی دہائی توں 2018ءتئیں قومی خزانہ کوں بےدردی نال لٹیا، ایں خاندان پاکستانی خزانے کوں ہنڈی حو??لے دی مدد نال باہرلے ملکاں اچ بھجوا تے محل اتے جائیداداں بناونڑ دا کلچر متعارف کروایا،ا یہ ساریاں شئیںجے آئی ٹی دے سامنڑے آ گن، شریف فیملی ایں معاملے تے منی ٹریل پیش کرنڑ اچ ناکام تھی ہے، حمزہ شہباز دی 90 فیصد ٹی ٹی دا فائدہ شہباز شریف چاتا۔ انہاں آکھیا جو 1990ءتوں ہنڈی حو??لہ توں پیسہ بھجوانڑ دا معاملہ اوں ویلھا رکیا جڈاں پاناما لیکس اچ شریف فیملی بے نقاب تھئی۔ انہاں ڈسایا جو ہل میٹل کیس اچ اہم چیز ایہ ہے جو ہل میٹل توں85 فیصد رقم نواز شریف کوں ویندی ہے اتے ایں رقم دا85 فیصد حصہ نواز شریف مریم صفدر کوں گفٹ کریندن، ایں کیس اچ نواز شریف، حسین نواز، حسن نواز اتے مریم صفدر ??لوث ہن۔ انہاں ڈسایا جو 2008ءاچ ہل میٹل توں مریم صفدر کو ں14 ملین، 17 ملین، 19 ملین، 7 ملین جڈاں جو2016ءاچ مریم صفدردے شریف ایجوکیشن سٹی برانچ اچ 9.9 دی ٹی ٹی آندی ہے، انہاں سارے پیسیاں دا ٹیکس گوشواراں اچ کوئی ذکر کائنی ہے، ایہ سارے پیسے سرمایہ کاری کیتے منگوائے گئے ہن لیکن سرمایہ کاری دے ثبوت وی نی ڈتے ونج جا سگے۔
