اسلام آباد ۔ 19 مارچ (اے پی پی) پاکستان جنوبی افریقی ملک موزمبیق اچ سمندری طوفان دے نتیجے اچ 98 بندیاں دے مرنڑ تے موزمبیق دی حکومت اتے عوام نال تعزیت اتے ہمدردی دا اظہار کیتے، پاکستانی حکومت اتے عوام ایں اوکھا ویلھا اچ اپنڑے موزمبیق بھینڑ بھراواں دے مونڈھے نال مونڈھا لا تے کھڑسی۔ منگل کو ں دفتر خارجہ دے ترجمان جنوبی افریقہ اچ سمندری طوفان دے نتیجے اچ قیمتی انسانی جاناں دے ضیان تے حکومت اتے عوام ولوں دلی تعزیت اتے ہمدردی دا اظہار کیتے ۔انہاں آکھیے جوجنوبی افریقہ اچ سمندری طوفان دے نتیجے اچ ملاوی اچ 56 اتے موزمبیق اچ ہنڑ تئیں 98 بندیاں مرنڑ دی اطلاع ہے جڈاں جو ہزار توں ودھ ہلاکتاں تھی سگدن۔
.jpg)
