اسلام آباد ۔ 04 فروری (اے پی پی)وزیر اعظم شاہد خاقان عباسی آکھیے جو مسلم لیگ(ن)دی حکومت چترال دے عوام دی ترقی کیتے بہوں وسائل ڈتن ایں سانگے لوکاں دی خدمت جاری رکھی ویسی، اتے چترال دی ترقی وفاقی حکومت دی ترجیح اے۔چترال اچ ترقیاتی منصوبیاں بارے بریفنگ دی صدارت کریندے ہوئے وزیر اعظم شاہد خاقان عباسی آکھیے جو لواری ٹنل،متعدد ہائیڈرو پاور اتے روڈ و انفراسٹر کچر سمیت میگا پروجیکٹس مسلم لیگ(ن)دے دور حکومت اچ مکمل تھین۔وفاقی وزیر آبی وسائل،چیئر مین واپڈا اتے سینئر ضلعی انتظامیہ دے افسران وی ایں موقعے تے موجود ہن۔وزیر اعظم کوں چترال اچ ترقیاتی منصوبیان بارے بریفنگ ڈتی گئی۔وزیر اعظم آکھیے جو حکومت چترال دے عوام کیتے توانائی منصوبیاں تے ترجیحی بنیاداں تے کم کریندی پئی اے تاں جو مقامی لوکاں دا انحصار جنگلی وسائل تے گھٹ توں گھٹ کیتا ونج سگے۔وزیر اعظم آکھیے جو چترال دے عوام ملک کیتے بہوں خدمتاں ڈتن ایں سانگے حکومت مقامی افراددی سماجی و اقتصادی ترقی کیتے ہتھ ونڈیندی راہسی۔
.jpg)