اسلام آباد۔13اکتوبر (اے پی پی): نیشنل کمانڈ اینڈ آپریشن سنٹر (این سی او سی) دا اجلاس منگل کوں وفاقی وزیر ترقی و منصوبہ بندی اسد عمر دی صدارت اچ منعقد تھیا، اجلاس اچ صوبیں دے چیف سیکرٹریز ویڈیو لنک دے ذریعے شریک تھئے ۔فورم کوں ڈسایا گیا جو پورے ملک اچ 103 ضلعیں اچوں 3ہزار 497 سمارٹ لاک ڈاﺅن کیتا گے ۔فورم کوں ڈسایا گیا جو 52 فیصد کورونا ٹیسٹ ٹریس ، اتے قرنطینہ (ٹی ٹی کیو) حکمت عملی دے تحت کیتے گن ۔وفاقی وزیر ترقی و منصوبہ بندی اسد عمر آکھیا جو وائرس دے خلاف کیتے ونجنڑ آلے اقدامات دے نتیجے وچ بہوں قیمتی جاناں کوں بچایا گے ،ہنڑ تئیں اساں بحیثیت قوم اتے سارے اسٹیک ہولڈرز صحیح اقدامات کیتن ۔ وفاقی وزیر ترقی و منصوبہ بندی اسد عمر آکھیا جو کورونا وائرس دی وبا دے کھنڈنڑ دے خلاف کامیابی اچ ہنڑ تئیں لوکاں دا فعال ردعمل کلیدی حیثیت رکھیندے ۔
.jpg)
