راولپنڈی ۔ 19 جولائی (اے پی پی) پاک فوج تھریٹ الرٹ جاری کائنی کیتا،پاک فوج ولوں کہیں وی شہر متعلق تھریٹ الرٹ جاری کرنڑ دی تردید کیتی گی اے۔پاک فوج دے شعبہ تعلقاتِ عامہ (آئی ایس پی آر) دے اعلامیے اچ آکھیا گے جو آئی ایس پی آرکہیں وی شہر متعلق تھریٹ الرٹ جاری کائنی کیتے ،شہری نقلی خبراں توں خود کوں بچاون ۔آئی ایس پی آر دے مطابق سوشل میڈیا تے مختلف شہراں متعلق کوڑے تھریٹ الرٹس گردش کریندے پن، مستقبل اچ آئی ایس پی آردی آفیشل ویب سائٹ تے ایں حوالے نال تصدیق کیتی ونج سگدی اے ۔آئی ایس پی آر دا مزید آکھنڑ ہا جو ایں طرح دا پروپیگنڈا خوف تے ڈر کھنڈاونڑ دی مذموم کوشش ہے، شہری ایں قسم دی نقلی کالز تے پروپیگنڈے تے نظر رکھن۔آئی ایس پی آر شہریاں توں ایں ضمن اچ اے وی آکھیے جو تصدیق شدہ خبر سانگے آئی ایس پی آر دی آفیشل ویب سائٹ وزٹ www.ispr.pkکیتی ونج سگدی اے ۔
.jpg)
