اسلام آباد۔22مارچ(اے پی پی) وزیر ریلوے حنیف عباسی وزیراعظم پاکستان میاں شہباز شریف دی ہدایات ??ے عید الفطر 2025 دے موقع تے ریلوے کرائے 20 فیصد گھٹاوݨ دا اعلان کرݙتے ۔ جاری بیان موجب عید الفطر 2025 دے ترائے ݙینھاں پاکستان دیاں ساریاں میل ای??سپ??یس، مسافر اتے انٹر سٹی ریل گاݙیاں اچ ساریاں کلاساں دے کرائے 20 فیصد گھٹائے ویسن ۔ ایں رعایت دا مقصد عید دیاں خوشیاں دے موقع تےعوام کوں ریلیف ݙیوݨ اے تاں جو او آپمے رشتے داراں نال عید کرسڳن۔ وزیر حنیف عباسی ایں ڳالھ تے زور ݙتے جو اے اقدام پورے ملک دے ریلوے مسافراں سانڳے خوشی دا باعث بݨسی تے انہاں کوں عید دے ݙینھاں اچ سفر اچ سہولت ݙیسی ۔ انہاں آکھیے ریلوے حکام ایں رعایت کوں مؤثر طریقے نال عمل اچ گھن آوݨ سانڳے اقدامات کریسن تاں جو مسافر سوکھیں ایں دا فیدہ چاسڳن ۔ وزیرریلوے ایں ڳالھ دا وی یقین ݙیوائے جو سارے حفاظتی انتظامات ??تے ریل گاݙی سروسز دا معیار برقرار رکھیا ویسی ۔ پاکستان ریلوے عوام کوں بہترین سہولتاں ݙیوݨ تے یقین رکھیندے ۔ اے خصوصی رعایت پاکستان ریلوے دی طرفوں عوام دی فلاح و بہبود سانڳے ھک ٻیا قدم اے جئیں دا مقصد عید دے موسم اچ مسافراں سانڳے بہترین سہولتاں ݙیوݨ اے۔
.jpg)
.jpg)
