اسلام آباد۔16اکتوبر(اے پی پی) وفاقی وزیر داخلہ محسن نقوی مسلح جتھے نال پیشہ ورانہ انداز اچ نبݨِݨ تے سکیورٹی فورسز کوں خراجِ تحسین پیش کری??دے آکھیے جو مسیتاں دے میناراں اتے گھراں دیاں چھتاں تے ٻہہ تے سِدھی فائرنگ کرݨ آلیں کوں قابو کرݨ سوکھا کَم نہ ہئی، حکومت ٹی ایل پی دے احتجاج دے شروع تھیوݨ توں پہلے اتے چھیکڑ تئیں ڳالھ مہاڑ دی ہر ممکن کوشش کیتی پر ٹی ایل پی مسلسل قتل اتے دہشت گردی اچ ملوث لوکاں کوں چھڑاوݨ دے مطالبے کریندی رہی، سوائے ٹی ایل پی دے عہ??ید??راں دے کہیں دے خلاف حکومت کوئی کارروائی نہ کریسی، ݙسایا وںڄے اے احتجاج فلسطین نال یکجہتی کیتے ہئی یا دہشت گرداں کوں چھڑاوݨ کیتے؟ او وزارتِ داخلہ اچ وفاقی وزیر مذہبی امور سردار یوسف، وفاقی وزیر اطلاعات و نشریات عطاء اللہ تارڑ، اتے وزیر مملکت داخلہ طلال چوہدری دے نال پریس کانفرنس نال خطاب کری??دے پئے ہن۔ وزیر داخلہ محسن نقوی آکھیا جو جیہڑے لوک اے آکھدن جو مذاکرات نی تھیے، میں انہاں کوں ݙساوݨ چاہنداں جو مذاکرات انہاں دے سڑکاں تے آوݨ توں پہلے ہی شروع تھی ڳئے ہن جیں دی تصدیق ٹی ایل پی دے اعلیٰ عہ??ید??ران خود وی کر سڳدن۔ انہاں ݙسایا جو حکومت ہر واری انہاں توں آکھیا جو تساں واپس وَنڄو، تہاݙے خلاف کارروائی نہ تھیسی پر انہاں دے مطالبے ہر واری پہلے توں زیادہ سخت تھی??دے ڳئے۔ وزیرِ داخلہ آکھیا جو ٹی ایل پی آلیں توں پُچھیا وںڄے جو قاتلاں اتے دہشت گرداں کوں کڈھݨ دا مطالبہ کئیں فلسطین دے کاز دا حصہ ہئی؟ انہاں آکھیا جو “لبیک یا رسول اللہ” صرف انہاں دا نعرہ کائنی بلکہ اساں ساریں دا اے۔ محسن نقوی آکھیا جو ایں ݙینھ کہیں تے وی غیر ضروری تشدد نی کیتا ڳیا، صرف انہاں لوکاں کوں روکیا ڳیا جو مسلح تھی تے فائرنگ کری??دے پئے ہن۔ انہاں آکھیا جو پولیس ہر صورت سڑک کوں صاف کراوݨا ہئی اتے ساری سکیورٹی فورسز شاباش دی حقدار ہن کیوں جو ایں مسلح جتھے کوں قابو کرݨ بالکل سوکھا نہ ہئی، کجھ لوک تاں مسیتاں دے میناراں اتے گھراں دیاں چھتاں توں سکیورٹی فورسز تے سِدھی فائرنگ کری??دے پئے ہن۔ انہاں آکھیا جو ملک دی ہک اہم دینی و سیاسی شخصیت وچال مصالحت دی کوشش کیتی پر ٹی ایل پی انہاں کوں وی دھوکا ݙتا۔ انہاں دا آکھݨ ہئی جو اے سمجھݨ ضروری ہے جو ہر 15 ݙینھ بعد ملک اچ کوئی نہ کوئی وݙا احتجاج کیوں تیار تھیندے، ویلھے نال اے ڳالھ واضح تھی ویسی جو انہاں دا کہیں نہ کہیں نال بلاواسطہ یا بالواسطہ تعلق ہئی۔ انہاں آکھیا جو پُرامن احتجاج ساریں دا حق ہے پر مسلح اتے پُرتشدد احتجاج دی اجازت نی ݙتی ونڄ سڳدی۔ وزیر داخلہ ݙسایا جو حکومت کنے ویڈیو ثبوت موجود ہن جنہاں اچ واضح طور تے ݙٹھا ونڄ سڳدے جو ٹی ایل پی دے کارکناں گن پوائنٹ تے گاݙیاں حاصل کرتے احتجاج اچ شامل تھیے۔ چھیکڑ اچ انہاں آکھیا جو کل جمعہ کوں پاکستانی عوام فلسطینیاں کوں انہاں دا حق ملݨ تے اظہارِ تشکر کری??ن۔ انہاں وزیر مذہبی امور اتے علماء کرام کوں یقین ݙیوایا جو سوائے ٹی ایل پی دے عہ??ید??راں دے، کہیں وی مدرسے یا عالمِ دین دے خلاف کوئی کارروائی نہ تھیسی۔
