اسلام آباد ۔ 11 جون (اے پی پی) نگران وزیراعظم قبائلی علاقہ جات (فاٹا) ے عوام کوں احساس تحفظ ڈیونڑ کیتے انضمام دا عمل تیز کرنر دی ہدایت کیتی گئی اے۔چیف سیکرٹری خیبر پختونخواہ فاٹا اصلاحات عملدرآمدبارے ڈسائے جو ایجنسیاں اتے فرنٹیئر رینجز کوں خیبرپختونخوا دے اضلاع اتے سب ڈویژنز اچ بدل ڈتا گئے، پولیٹیکل ایجنٹ اتے اسسٹنٹ پولیٹیکل دے عہدے تبدیل کرتے ڈپٹی کشمنر اتے اسسٹنٹ کمشنر بنڑا ڈتے گین، سارے ٹیکس، لیوی اتے راہداریاں وی بندکر ڈتیاں گین۔نگران وزیراعظم جسٹس (ر) ناصر الملک دے زیر صدارت فاٹا اصلاحات عملدرآمد سانگے جائزہ اجلاس اچ چیف سیکرٹری خیبرپختونخوا محمد اعظم خان فاٹا اصلاحات عملدرآمدتے بریفنگ ڈتی۔ممبر ریونیواجلاس کوں آندے پنج سالاں کیتے سابق فاٹا اتے پاٹا دے عوام کوں ٹیکس استثنیٰ اتے بیاں مالیاتی ترغیبات بارے ڈسایا۔وزیراعظم ناصر الملک فاٹا دے خیبرپختونخوا نال انضمام کوں تاریخی قرار ڈیندے آکھیے جو قبائلی لوکاں دے مسلے حل کرنڑ کیتے انتظامی، قانونی اتے مالیاتی مسلے حل کرنڑدی لوڑھ اے۔ اجلاس اچ وفاقی وزیر قانون، انصاف و پارلیمانی امور دی سربراہی اچ ہک کمیٹی وی بنڑائی گئی جیہڑی فاٹا دے خیبرپختونخوا اچ انضمام بارے رکاوٹاں اتے مشکلاں دور کرنڑ کیتے کم کریسی۔کمیٹی اچ چیف سیکرٹری خیبرپختونخوا محمد اعظم خان، ایڈووکیٹ جنرل خیبرپختونخوا، سیکرٹری داخلہ خیبرپختونخوا، اے سی ایس فاٹا اتے خزانہ، ریونیو و منصوبہ ڈویژن دے نمائندے وی شامل ہوسن۔
