اسلام آباد۔25مئی(اے پی پی) صدرمملکت آصف علی زرداری خیبر پختونخوا اچ 3 مختلف کارروائیاں دے دوران بھارتی حمایت یافتہ 9 خوارج کوں جہنم واصل کرݨ تے سکیورٹی فورسز کوں خراج تحسین پیش کریندے ہوئیں آکھیے جو دہشت گرداں دے منڈھوں خاتمے تئیں سکیورٹی فورسز دیاں کارروائیاں جاری رہسن۔ ایوان صدر دے پریس ونگ توں جاری بیان موجب، صدر مملکت آصف علی زرداری انٹیلی جنس پر مبنی کارروائیاں دے دوران فتنہ الخوارج دے 9 دہشت گرداں کوں مکاوݨ تے سکیورٹی فورسز دی بہادری دی تعریف کریندے آکھیے دہشت گرداں دے منڈھوں خاتمے تئیں سکیورٹی فورسز دیاں کارروائیاں جاری رہسن۔ انہاں آکھیے جو پاکستان دی سکیورٹی فورسز دا بھارتی حمایت یافتہ دہشت گرداں دے خاتمے کیتے کامیاب کارروائیاں کرݨ خوش آئند اے۔ صدر مملکت آکھیے جو دہشت گرد عناصر دے خاتمے اَتے ملکی دفاع کیتے اساݙا عزم غیر متزلزل رہسی۔ صدر مملکت فتنہ الخوارج کوں منڈھوں مکاوں دے قومی عزم دا وی اظہار کیتا۔
