سلام آباد۔29جنوری(اے پی پی)سرکاری سکیم دے تحت محدود نشستاں تے حج درخواستاں دی وصولی 30 جنوری کوں بند کر ݙتی ویسی ڄݙاں جو نجی عازمین دی بکنگ جمعہ تئیں جاری رہسی۔ وزارت مذہبی امور دے ترجمان آکھیے جو سارے عازمین حج نویاں معلومات اتے ہدایات کیتے پاک حج 2025 موبائل ایپ ڈائون لوڈ کرن جو انہاں کوں حج بارے معلومات ملدیاں راہون۔ ترجمان موجب حج واجبات دی تریڄھی قسط یکم تا 10 فروری تئیں وصول کیتی ویسی۔ سرکاری سکیم اچ محدود تعداد اچ نشستاں باقی ہین۔ حج دے خواہشمند افراد 30 جنوری تئیں اپݨیاں درخواستاں جمع کرا ݙیون۔ شارٹ حج دی بکنگ مکمل اے۔ خالی حج نشستاں تے صرف لانگ حج پیکیج دی بکنگ تھیسی۔
