اسلام آباد۔30جولائی(اے پی پی) وزیراعظم دے معاون خصوصی صنعت و پیداوار ہارون اختر خان دی صدارت اچ وزارت صنعت و پیداوار وچ ہک اعلیٰ سطحی اجلاس تھیا جیں وچ روسی حکومت دے نمائندے ڈینس نازاروف، سیکرٹری صنعت و پیداوار، وزارت صحت اتے ڈرگ ریگولیٹری اتھارٹی آف پاکستان (ڈریپ) دے اعلیٰ حکام شریک تھئے۔ اجلاس وچ روس توں انسولین دی درآمد، مقامی سطح تے مشترکہ پیداوار اتے مجوزہ پالیسی بورڈ پروٹوکولز تے تفصیلی غور کیتا ڳئے۔ اجلاس اچ ݙسایا ڳیا جو ڈریپ روسی کمپنی زاوود میڈوسنٹیز توں انسولین درآمد کیتے لاہور دی کمپنی جینیٹکس فارماسیوٹیکلز کوں رجسٹریشن جاری کر ݙتی اے۔ہارون اختر خان ایں موقع تے آکھیا جو پاکستان اتے روس وچال فارماسیوٹیکل جوائنٹ وینچر ݙو طرفہ معاشی تعلقات کوں تکڑا کرݨ دے پاسے ھک اہم پیشرفت اے ۔ پاکستان وچ انسولین دے وݙے پیمانے تے استعمال کوں سامݨے رکھیندے ہوئیں، روس توں درآمد کیتی ونڄݨ آلی انسولین پاکستانی مریضاں کیتے مفید ثابت تھی سڳدی اے۔ انہاں ایں ڳالھ تے وی زور ݙتا جو وزیراعظم شہباز شریف دے وژن موجب پاکستان وچ انسولین دی مقامی سطح تے تیاری دا منصوبہ تکھے اڳوں ودھدا پئے اتے وختی مقامی مینوفیکچررز اتے روسی کمپنیاں وچال مشترکہ پروٹوکول پیش کیتا ویسی۔ہارون اختر خان سارے متعلقہ سٹیک ہولڈرز کوں ہدایت ݙتی جو او کابینہ دے آندے اجلاس وچ پیشی توں پہلے ہک جامع اتے مربوط تجویز تیار کرن تاں جو ایں منصوبے کوں پالیسی اتے عملی سطح تے وختی عملی جامہ پوایا ونڄ سڳے۔
.jpg)